√ Syi'ir Kawan Sejati (Ngaji) Syi'ir Ihwal Tata Krama Dan Kebijaksanaan Pekerti

SYI’IR MITRO SEJATI

وَلاَ اَقْـوى عَلـى نَـارِ الْجَحِـيْمِ		اِلـهِىْ لَسْتُ لِلْفِـرْدَوْسِ اَهْـلاً
فَا ِنَّـكَ  غَافِـرُ  الذَّنْبِ  الْعَظِـيْمِ		فَهَبْ لِى تَوْبَةً وَاغْفِـرْ ذُ نُـوْبِى

Iki syiir elok banget dimengerti                          ß          Dulur kabeh lanang wadon kang gemati

Sebab iki syiir ngendarake dhuga                         ß          Tata krama sarta budi kang prayugo

Iki mangsa akeh banget wongkang lali                ß          Ora kerasa laris dusa bula bali

Akeh bocah padha rusak pekertine                     ß          Mergo sangking pergaulan bendinane

Nganti ora padha open ing agama                       ß          Ora mendha dituturi Rama Ibu

Temahane banjur wani ing wong Sepuh            ß          Yen diilingake malah males pisuh

Mugo iki syiir dapat migunani                                   ß          Marang ingkang mahos lan mirsani

BAB KAMANUNGSAN

Saben wong urip mesti butuh liyan                                ß           Sebab lamun ijen temtu ora mangan

Butuh dahar butuh wongkang adhang sekul                  ß           Wongkang nutu lan kang nandur lan kang macul

Nganggo kelambi butuh wongkang motongi                 ß           Wongkang jahit nenun ngentih rina wengi

Mulo kudu duwe rasa kamanungsan                             ß           Aja arep urip dewe kumpul macan

SIKAPE ANAK MARANG BAPAK

Kawit cilik Bapak iro mikiraken                              ß          Nasib iro abot payah Gak direken

Mangan ngombe nyandang kabeh butuh ira    ß          Dicukupi Bapak ugo ngaji ira

Mulo wajib dibekteni aja nganti                                    ß           Nulayani mundhak getun yen wis mati

SIKAPE ANAK MARANG IBU

Payah opo kang disangka dening Ibu                             ß           Ngandut sangang wulan nuli dadi Babu

AnyusOni AnyiwOki angedusi                                         ß           Ngisik-isik rina wengi tanpa risi

Mulo sira aja lali males budhi                                       ß           Aja wani mundak wani Yang Widhi

SIKAPE RAKYAT MARANG PEMERINTAH

Kito ngerti yen Pamerintah kito iku                               ß           Ngatur marang samubarang tindak laku

Wongkang dholim kampak begal di adili            ß          Kabeh kapentingan umum di perduli

Kasehatan kamakmuran kaamanan                    ß          Pendidikan pengajaran kretek dalan

Kabeh mau diopeni lan ditata                                ß          Kanggo kapentingan kito padha rata

Mulo kito kudu tunduk ora mampang                           ß           Lan bento keban ora dha gemampang

SIKAPE MURID MARANG GURU

Sebab guru sira bodho dadi pinter                       ß          Siro asor dadi pangkat kanthi bener

Mulo sira wajib hormat marang guru                 ß          luwih-luwih guru ngaji kang ditiru

SIKAP KITO MARANG KONCO

Karo konco kito kudu tepo seliro                          ß          Lamun kumpul kudu duwe kira-kira

Adab tata sarta budhi kang prayugo                   ß          Ditetepi aja ora duwe duga

WERNANE TATA KRAMA

Tata krama iku kabeh tuladhane                          ß          Kaya temen aris demen negarane

Aja jago bukak wadi sarta aja                                         ß           Kumo luhung tumindhake kang prasujo

Golek konco kang utama ngerti bagus                ß          aja kaya bocah-bocah kang gemagus

ADABE NGERUNGUKAKE GUNEMANE WONG

Lamun siro diomongi dening liyan                                 ß           Kudu madhep lan mirengna kang temenan

Lamun siro hajat takon kudu kanti                                 ß           yen wus rampung ngendikane kanthi titi

Lamun liyan di takoni aja pisan                                     ß           Siro lancang jawab koyo wong berangasan

TATA KERAMANE GUNEMAN

Lamun siro ngomong iku kudu manis                  ß          Aja kasar aja rewel lan ceriwis

Tembung iro aja ana kang natoni                         ß          Ring atine liyan mundhak diwaneni

Aja arang banget aja riket banget                                 ß           Nanging kang mejana keben dha semanget

CARANE SESERAWUNGAN KANG BAGUS

Kabeh konco mesti bandel padha hormat            ß          Yen serawunganiro karo konco hebat

Rahi ajer gunemane alus lemes                             ß          Andhap asor tingkah laris sarwa kandhes

Marang siro padha dhemen padha lumbang    ß          Pungkasane barang angel dadi gampang

NGEREKSO AWAK

Siro wajib ngerekso marang awak iro                 ß          Keben tetep sehat ora sering lara

Mangan ngombe nyandang kudu sarwa resik  ß          Aja kemproh ketoh kaya bocah cilik

Lamun siro kroso greges-greges rekat                ß          Mundhut tombo keben inggal bali sehat

Sebab yen wus kadung lara temtu rugi               ß          keri ngaji keri amal kang perayogi

TATA KRAMANE MANGAN

Lamun siro mangan becik wisuh disik                           ß           Tangan iro nuli muluk cilik-cilik

Ugo aja lali nyebut asma Allah                                      ß           Keben berkah najan rada kurang lawuh

Kanthi lenggah siro dhahar sarto muluk                        ß           Kanthi tengen sarta anteng siro dhiluk

Aja omong kala cangkem kebak isi                                ß           Rampung mangan muji Allah terimakasih

BAB SANDANGAN

Nyandang iku paling perlu kudu resik                             Sawangane sedep seger sarto rapik

Larang banget ora perlu mndhak riyak                          Turah duwit luwih elok kanggo liya

Nyandang nganggo aja pisan sesek banget                   Ugo aja logro banget keben sengsit

BAB OMAH LAN KAMAR

Omah kamar kudu higienis lan teratur                              Keben aqal melu padhang ora bau

Dalan hawa kudu cukup keben badan                            tetep sehat pikir lampit ora sungkan

Share this post